Skip to main content
  • Argazki galeria
    EKIMAKER/STEAM

    Aurten, Ikastolen Elkarteak Ekimaker/STEAM egitasmoa martxan jarri du eta Azpeitiko Ikasberri Ikastola eta Zarauzko Oteitza Lizeo  Politeknikoko Ikastolak elkarlanean parte hartu dute. Lehen Hezkuntzako gazteek ideia sortu, DBHko ikasleek maketa bihurtu  eta Lanbide Heziketako ikasleek prototipoa lortu. Garbi dago gazte hauek Hezkuntza kooperatiboa, sormen pentsamendua eta ekintzailetasun gaitasunak landu dituztela, beti ere gure irakasle taldearen laguntzarekin!!!

  • Argazki galeria
    OTEITZA TEKNOPOLISEN

    Industriaren 4. iraultza enpresa txiki zein handietara iritsi da, eta aldaketa horrek eragin zuzena izan du Lanbide Heziketan. Ikasleek egoera eta ingurune berrietan lan egiteko gai izan behar dute eta Tknikak, Euskadiko Lanbide Heziketaren Ikerketa Aplikatuko Zentroak, baliabide berritzaileak prestatzen ditu ikastetxe eta irakasleekin elkarlanean.Hau horrela izanda, gaurko saioan besteak beste, Oteitza Lizeo Politeknikoan egiten ari diren lana ezagutaraziko da.

  • Argazki galeria
    Lanbide Heziketa/PARKE EKITALDIA

    Pasa den ostiralean, martxoak 18, Zamudioko Parke Teknologikoan, LH/Parke Ekitaldia ospatu zen. Oteitzaren izenean gure ikaslea den Alazne Hoyosek parte hartu zuen bere esperientziak eta testigantza pertsonalak kontatuz.
    Gazteek lanbide teknikoekiko duten interesa piztea du helburu, Arabako, Bizkaiko eta Gipuzkoako parke teknologikoetako puntako enpresak ezagututa eta oinarri teknologikoa duten enpresetako Lanbide Heziketari balioa emanda.

    Dagoeneko 6 edizio dira, eta Euskadiko LHko ikastetxeetako 4.500 ikaslek baino gehiagok parte hartu dute.

     

  • bulling-egoerak minimizatzeko ingurune seguruak nola sortu irudia
    Bullying egoerak minimizatzeko ingurune seguruak nola sortu

    Gipuzkoako Foru Aldundiko Gazteria Zuzendaritzak Udalekin elkarlanean gurasotasun positiboan oinarritutako ‘TREBA Gurasoak’ eskaintza pedagogikoa jarri du abian. Bertan, gurasoei haurren eta nerabeen heziketa-prozesuan lagunduko dieten gaiei buruzko hainbat hitzaldi eta tailer garatzen dira.

    Zarautzen egingo den bigarren saioa Oteitza Lizeo Politeknikoan izango da eta herriko guraso guztientzako eskaintza da.

    Tailer hau bi egunekoa izango da, martxoaren 28an eta 31n, 18:00-20:00 bitartean.

     

  • Argazki galeria
    OTEITZAKO Lanbide Heziketako AZOKA

    Pasa den astean Oteitzan Lanbide Heziketako azoka ospatu dugu.
    Azoka honen helburua. 2. Batxilergoan dauden ikasleei gure Goi Mailako Zikloen berri ematea izan da, 2. ebaluazioan gure ikasleek egiten dituzten erronkak erakutsiz.
    Oteitzak Goi Mailako 4 Ziklo industrial eskaintzen ditu:
    Diseinua
    Mekatronika 
    Produkzioa
    Robotika 
    Ziklo hauek irteera profesional oso onak dituzten zikloak dira eta gure inguruan dauden enpresetan Praktikak eta Duala egiteko aukera bikaina ematen dutenak dira.

Idazkaritzako Ordutegia

Astelehenetik ostegunera

  • 08:00 - 19:00

Ostiralean

  • 08:00 - 16:00