Industriaren 4. iraultza enpresa txiki zein handietara iritsi da, eta aldaketa horrek eragin zuzena izan du Lanbide Heziketan. Ikasleek egoera eta ingurune berrietan lan egiteko gai izan behar dute eta Tknikak, Euskadiko Lanbide Heziketaren Ikerketa Aplikatuko Zentroak, baliabide berritzaileak prestatzen ditu ikastetxe eta irakasleekin elkarlanean.Hau horrela izanda, gaurko saioan besteak beste, Oteitza Lizeo Politeknikoan egiten ari diren lana ezagutaraziko da.
Pasa den ostiralean, martxoak 18, Zamudioko Parke Teknologikoan, LH/Parke Ekitaldia ospatu zen. Oteitzaren izenean gure ikaslea den Alazne Hoyosek parte hartu zuen bere esperientziak eta testigantza pertsonalak kontatuz.
Gazteek lanbide teknikoekiko duten interesa piztea du helburu, Arabako, Bizkaiko eta Gipuzkoako parke teknologikoetako puntako enpresak ezagututa eta oinarri teknologikoa duten enpresetako Lanbide Heziketari balioa emanda.Dagoeneko 6 edizio dira, eta Euskadiko LHko ikastetxeetako 4.500 ikaslek baino gehiagok parte hartu dute.
Gipuzkoako Foru Aldundiko Gazteria Zuzendaritzak Udalekin elkarlanean gurasotasun positiboan oinarritutako ‘TREBA Gurasoak’ eskaintza pedagogikoa jarri du abian. Bertan, gurasoei haurren eta nerabeen heziketa-prozesuan lagunduko dieten gaiei buruzko hainbat hitzaldi eta tailer garatzen dira.
Zarautzen egingo den bigarren saioa Oteitza Lizeo Politeknikoan izango da eta herriko guraso guztientzako eskaintza da.
Tailer hau bi egunekoa izango da, martxoaren 28an eta 31n, 18:00-20:00 bitartean.
Pasa den astean Oteitzan Lanbide Heziketako azoka ospatu dugu.
Azoka honen helburua. 2. Batxilergoan dauden ikasleei gure Goi Mailako Zikloen berri ematea izan da, 2. ebaluazioan gure ikasleek egiten dituzten erronkak erakutsiz.
Oteitzak Goi Mailako 4 Ziklo industrial eskaintzen ditu:
Diseinua
Mekatronika
Produkzioa
Robotika
Ziklo hauek irteera profesional oso onak dituzten zikloak dira eta gure inguruan dauden enpresetan Praktikak eta Duala egiteko aukera bikaina ematen dutenak dira.
HETEL ikastetxeetan, Oteitza barne, ikasleen berrikuntza gaitasuna ETHAZI metodologiaren bidez lantzen da, besteak beste, lantaldeetan erronkak ebatziz lan egiten duen metodologiarekin.
Ikerkuntza proiektu honekin, parte hartzen duten ikasle hauen gaitasunak Gipuzkoako enpresen lehiakortasunarekin lotu nahi ditugu, enpresetan dinamika berritzaileak sortuz.
Aurtengo hau, bigarren edizioa dugu eta Oteitzatik bi ikasleek parte hartzen dute beraien Dualeko enpresekin.