Aurtengo ikasturtean ere 2022-2023 Oteitza Lizeo Politeknikoko 6 ikaslek atzerrian egingo dituzte lan praktikak, horretarako Erasmus+ praktiketarako mugikortasun bekak baliatuko dituzte. Erdi Mailako bi ikasle izango dira eta lau goi mailako ziklotakoak.
Unay Barbany eta Borja Larrañaga dira Erdi Maila Elektrikako zikloko ikasleak eta Pragara doaz Txekiako Errepublikara.
Mendaurreko tontor elurtua igotzen, Añanako gatzaga bisitatzen zein St Lary-ko pistak jaisten, aldarte ederrean ibili ginen pasa den ostegunean ikasle zein irakasleak. A ze abenturak!
Abenduan Irati Jerez, Oteitzako ikasle ohia, bere Tecnumeko taldearekin, Iker eta Juanekin, bisitatu gaituzte eRacing proiektuan parte hartzera gonbidatzeko.
Haiek kotxea diseinatu eta eraikitzen dute eta Oteitzak hainbat piezen fabrikazioan parte hartzen du.
Kotxerik onena eraikitzea opa diegu Formula Student nazioarteko lehiaketan!!!
Abenduaren 13an, Elgoibarren kokatuta dagoen ALCORTA FORGING enpresara egin zuten bisita espezializazioko ikasleak. Oraingo honetan Forjako prozesua ezagutzeko aukera izan dute, Asier Aranguren, trokelgintzako arduradunaren bitartez. Forjarako erabiltzen dituzten trokelak bertan fabrikatzen dira, eta jarraitzen den prozesu osoa ezagutu zuten: trokel motak, mekanizazio eragiketak eta erremintak, trokelen mantenua, etab...
Eskerrik asko Asier, emandako harrerarengatik.
Azaroaren 22an, Segurako Aizkoeta Industrialdean kokatuta dagoen KENDU enpresara egin genuen bisita espezializazioko ikasleekin. Bertan, fresaketarako erremintak fabrikatzen dituzte: metal gogorrezko zein altzairu lasterreko fresa integralak, forma berezikoak eta barautsak. Guk tailerrean mekanizatzeko erabiltzen ditugun fresak nola fabrikatzen diren bertatik bertara ikusi eta ezagutzeko aukera izan genuen Mikel Artola fabrikazio arduradunaren bitartez.
Eskerrik asko Mikel emandako harrerarengatik.