Azaroaren 22an, Segurako Aizkoeta Industrialdean kokatuta dagoen KENDU enpresara egin genuen bisita espezializazioko ikasleekin. Bertan, fresaketarako erremintak fabrikatzen dituzte: metal gogorrezko zein altzairu lasterreko fresa integralak, forma berezikoak eta barautsak. Guk tailerrean mekanizatzeko erabiltzen ditugun fresak nola fabrikatzen diren bertatik bertara ikusi eta ezagutzeko aukera izan genuen Mikel Artola fabrikazio arduradunaren bitartez.

Eskerrik asko Mikel emandako harrerarengatik.

Oteitzako Goi Mailako Diseinuko 1. mailako ikasleek "Azken tanta arte zukutuz" izeneko lana aurkeztu dute Aldundiaren Ingurumen Departamenduak antolatutako eskultura erakusketara, eta hura saritu dute. Besteak beste, proiektuan nabarmendu nahi izan dute material bati beste erabilpen bat eman dakiokeela behin eta
berriz. Zorionak denoi!

Azaroak 25, Oteitzak bat egiten du Emakumeren aurkako indarkeriaren egunarekin.
Euriak ere ez gaitu gelditu!

https://youtu.be/v0O0FWbRNWg

Leipzig-eko IFDT institutoarekin elkarlanean Europar batasuneko proiektu batean murgilduta gabiltza Oteitzan.

Ohikoa dugun bezala, Azaroaren 10ean, osteguna, espezializazioko ikasleak Dual proiektua egiten ari diren bi enpresa bisitatu ditugu: Jose Mari Korta Industriagunean dauden "KORTA" eta "EKIMEN".

- KORTA, Industria Makineria eta Aeroespazialerako "Prezisio handiko boladun husiloak" fabrikatzera dedikatzen da, eta bertan bai husillo eta kaskilloak egiteko fabrikazio prozesu osoa ikusteko aukera izan genuen, ALEX KORTA fabrikazio arduradunaren bitartez.