Oteitza Lizeo Politeknikoa eta Zarauzko emakumeen etxearen eskutik martxan da Oinarrizko konponketa elektrikoak ikastaroa. Bertan, partaideek Matxuratutako etxeko ohiko tresnetan konponketa txikiak egiteko beharrezkoak diren oinarrizko ezagutzak eta behar diren erremintak erabiltzen ikasiko dute.
UEMAkoak gurean izan dira soziolinguistikako batxilergoko ikasleekin tallerra egiteko. Arnasguneen inguruan aritu dira, eta hainbat dinamika egin dituzte horren inguruan hausnartzeko. Elkarlanean ikasi dute euskararen birikak direla arnasguneak, eta Urola Kostako herriak eta Oteitza ikastetxea izan daitezkeela horren adibide.
Gaurkoan Oteitzako ikasleak "Mikroplastikoak hondartzan" unitate didaktikoa lantzen egon dira. Ekintza hau Zarauzko udaletxe eta MATER museo ekoaktiboarekin elkarlanean burutu da. Bertan, herritarren zientziaren bidez itsas hondakinen eta mikroplastikoen analisia egin dute.
Urriak 21, Oteitza Eguna ospatu dugu Oteitza Lizeo Politeknikoko ikasle zein irakasleek.
Aurten ere Oteitza Lizeoko Batxilergoko ikasleek Surf ikastaroa izan dute Gorputz Hezkuntza ikasgaiaren barnean.