2021-2022ko ikasturterako gailu digitalak eskuratzeko dirulaguntza deialdia atera da Irailaren 24ean. Gure kasuan Batxilergoa egiten ari diren ikasleek aukera edukiko lukete eskaera egiteko. Eskatzaile bakoitzarentzako laguntza 200 (berrehun) eurokoa izango da gehienez eta bekaduna izatea ezinbestekoa da. Eskaerak aurkezteko epea Urriak 25a artekoa izango da. Eskaerak egiteko egin klik hemen.
Pasaden ostegunean, irailak 23, Oteitzako Espezializazioko ikasleak Getariako Indaux enpresan izan ziren.
Indauxek, 1962tik altzarietarako burdineria-sistemak asmatu, garatu, fabrikatu eta merkaturatzen ditu.
Gaur egun, nazioartean burdineriaren sektoreko erreferentziako marketako bat da, 70 herrialdetan baino gehiagotan dago eta 2.000 bezero baino gehiago ditu mundu osoan.
Bertan, Dualean dagoen Espezializazioko Mikel Etxabek eta Indaux-eko Gurutz Aizpuruak instalazioak, makinak, fabrikazio prozesuak... erakutsi ziguten.
Oteitzaren helburuetako bat ikasleekin beraientzat ikaskuntza-testuinguru berria den ETekin HAndiko ZIkloetan (ETHAZI) lan egitea da.
Hori lortzeko, ikasleek ikasturtean zehar erabiliko den ikaskuntza eredua ezagutu eta bizi behar dute (erronketan oinarrituta elkarlaneko ikaskuntza).
21/22 Ikasturte berriarekin batera ESPEZIALIZAZIOKO promozio berria martxan dago.
Urtero bezala, Abiadura Azkar eta Etekin Handi bitartezko material berezien mekanizatu aurreratuan arituko dira. Teknologi honen helburua geometria konplexuko eta zehaztasun oso handiko piezak mekanizatzea izango da material hauetan: titanio, nikel, aluminio eta magnesio aleazioak.
Aurtengo promozioak 9 ikasleek osatzen dute eta denak Urola Kostakoak: Getaria, Zarautz, Zumaia, Orio.
2021/22 Ikasturteko beka deialdiaren epea irekita dago dagoeneko (uztailaren 24tik irailaren 30a bitartean).
Informazio guztia link honetan daukazu (Hezkuntza Saileko web orria).
Hor irakurri ahal izango duzu deialdi honi buruzko informazio osoa (epeak, baldintzak, etab.).
Beka eskatu nahi baduzu, baina eskaera on line egin nahi EZ baduzu, ikaslea edota guraso/tutorea Idazkaritzatik pasa dadila, mesedez, inprimakien bila, irailak 24 baino lehen.